തിരകളാൽ കവിതയെഴുതുന്നു തീരം
''തിരകളാൽ കവിതയെഴുതുന്നു തീരം
മിഴികളാൽ പ്രണയമറിയുന്നു ഞാനും
കടലോളം നിറയുന്ന മൗനം ..
മഴ പോലെ പെയ്തിറങ്ങും നേരം
അറിയാതെ നമ്മൾ ഒന്നായി തീരും
സംഗീത സാന്ദ്രമാം സ്വർഗീയ യാമം ! ''
Robin Mylapra..
കുടുംബം !
||Robin_Mylapra|#ezhuthupura|| ഇമ്പം തോന്നും സ്നേഹകൂടല്ലോ കുടുംബം ഒന്നായി വാഴാൻ ദൈവം തന്നതാണീ കുടുംബം സ്വർഗം പോലെ ഏദെൻതോപ്പായി മാറും കുടുംബം സത്യദൈവം നിത്യമെഴുന്നെള്ളും കുടുംബം പൂവും പുഴുക്കളും കാടും കാട്ടാനയും സർവ്വചരാചാരമൊന്നായി വാഴുവാൻ അന്യരല്ലാരുമെന്നാദ്യം പഠിപ്പിച്ചു അച്ഛനും അമ്മയും അറിവിൻ പ്രകാശമായി ഉള്ളതില്നിന്നൊക്കെ പങ്കിട്ടു സോദരർ ഉള്ളിലെ നന്മയും പങ്കിട്ടു ശീലിച്ചു കൊടുക്കുകിൽ എറീടുമെന്ന സത്യം കൊടുത്തു പഠിച്ചു വളർന്നു വന്നു കുറ്റവും ശിക്ഷയും ശാസനയും നേരിൻ്റെ വഴിയിലെ പടവുകളായി കൊഞ്ചലും സ്നേഹവും ലാളനയും ജീവിത വെയിലിലെ തണലുകളായി തളരാതെ പതറാതെ മുന്നേറുവാൻ കരയുന്നോർക്കാശ്വാസമേകീടുവാൻ വീഴുന്നോർക്കാശ്രയമായിടുവാൻ കരുത്തേകി നയിക്കുന്ന പാഠശാല ലോകം മുഴുവനും ഒരു കുടുംബം മാതാപിതാക്കളായി ഏക ദൈവം നാമേവരും സോദരർ ആയിടുവാൻ പ്രാർത്ഥന ചെയ്യുക എന്നോടൊപ്പം! ||Robin_Mylapra|#ezhuthupura||
